Azərbaycan Diasporuna Dəstək Fondunun dəstəyi və Türkiyə–Azərbaycan Dostluğu Federasiyasının təşkilatçılığı ilə Visible Press nəşriyyatı tərəfindən yazıçı Eldar Əhədovun “Bakı–Zurbagan” adlı kitabı Türkiyədə ingilis dilində nəşr olunmuşdur. Nəşr 1000 nüsxə tirajla çap edilmişdir.

Eldar Əhədov Rusiya və Azərbaycan Yazıçılar Birliyinin üzvü olub, Azərbaycan mövzularına həsr etdiyi nəsr, poeziya və elmi araşdırma əsərləri ilə tanınır. Onun “Xarıbülbül”, “Sevgi ölkəm”, “Ora, haraya dönəcəyəm...”, “Xatirəmin mirvari-gümüş işığı”, “Cıdır düzü” və “Avrasiyanın türk toponimikası” adlı kitabları Rusiya, Azərbaycan, Hindistan və Misirdə müxtəlif dillərdə nəşr olunmuşdur.

“Bakı–Zurbagan” əsərinin Türkiyədə ingilis dilində işıq üzü görməsi bir il ərzində kitabın dördüncü nəşri olmuşdur. Bundan əvvəl əsər Rusiyada rus dilində, Hindistanın Pune və Kalküta şəhərlərində isə ingilis dilində iki dəfə çap edilmişdir. Bu nəşr ardıcıllığı Eldar Əhədovun yaradıcılığına və mövzuya göstərilən davamlı marağı təsdiq edir.

Kitab Azərbaycan tarixi, mədəni irsi və milli kimlik mövzularını əhatə edir. Əsərin ingilis dilinə nəşri həm ölkə daxilində, həm də xaricdə yaşayan Azərbaycan icmalarına məlumat mənbəyi təqdim etməklə yanaşı, diaspor fəaliyyətinin gücləndirilməsinə və Azərbaycanla bağlı faktların beynəlxalq auditoriyaya çatdırılmasına xidmət edir.